A superestrela da música latina aterra no Festival BIGSOUND coas súas únicas actuacións na Comunitat Valenciana e Galicia en 2026, nunha cita excepcional dentro do circuíto de festivais.
- BIGSOUND PONTEVEDRA 2026, terá lugar os días 17 e 18 de xullo no Parque de Tafisa, e reunirá as únicas datas en Galicia de David Bisbal, Nathy Peluso, Maria Becerra, Ana Mena e Luck Ra, consolidando unha programación irrepetible na comunidade.
- O cartel de BIGSOUND Pontevedra complétase con Beret, Juan Magán, Natalia Lacunza, Nil Moliner, Lucho RK, Mafalda Cardenal, Besmaya, Despistaos, Rager e LG1DO ademais de novas confirmacións por anunciar.
- Pola súa parte, BIGSOUND VALÈNCIA 2026 celebrarase os días 26 e 27 de xuño na Ciudad de las Artes y las Ciencias, e acollerá en exclusiva na Comunitat Valenciana as actuacións de David Bisbal, Lola Índigo, Nathy Peluso, Rels B, Rusowsky e Yami Safdie.
- O cartel complétase cunha potente programación de artistas que ofrecerán shows exclusivos na provincia de València durante 2026, entre eles Ana Mena, Barry B, Despistaos, Dollar Selmouni, Hens, Juan Magán, King África, Lia Kali, Lucho RK, Maldita Nerea, Mayo, Metrika, Rigoberta Bandini, Samuraï e Selecta.
- Máis que unha confirmación de cartel, este anuncio conecta directamente coa esencia de BIGSOUND: recoñecer a quenes construíron a historia recente da música en español, visibilizar a quenes están a definir o seu presente e tender pontes entre estilos, públicos e xeracións a través da música.
BIGSOUND volve facer historia en 2026 co anuncio de David Bisbal como superestrela convidada en exclusiva, nun dos fitos máis relevantes da súa traxectoria. O artista ofrecerá as súas únicas actuacións na Comunitat Valenciana e en Galicia dentro de BIGSOUND, con dúas citas irrepetibles: en BIGSOUND Valencia, os días 26 e 27 de xuño na Ciudad de las Artes y las Ciencias, e en BIGSOUND Pontevedra, os días 17 e 18 de xullo no Parque de Tafisa.
Consolidado como o festival de música mainstream e urbana máis grande do país e un dos principais encontros do xénero en Europa, BIGSOUND reúne hoxe o pop en español, a música urbana e os sons latinos en constante transformación. Unha experiencia colectiva onde se atopan, se celebran e se proxectan cara o futuro como a banda sonora de toda unha xeración.
Nacido en València e en plena expansión territorial, o festival converteuse en moi pouco tempo nunha referencia cultural contemporánea, sen etiquetas nin fronteiras estilísticas, cun impacto que transcende o puramente musical.
En coherencia con esa identidade, a chegada de David Bisbal transcende a lóxica dunha gran confirmación de cartel para situarse no terreo do recoñecemento cultural e xeracional. Máis que sumar unha superestrela, reforza a BIGSOUND como un espazo onde o presente da música en español dialoga co seu legado desde a vixencia, a emoción compartida e unha mirada aberta ao futuro da música latina. Un xesto que conecta directamente coa esencia do festival: recoñecer a quen contribuíu de forma decisiva a construír a historia recente da música en español, visibilizar a quen a está transformando hoxe e tender pontes entre estilos, públicos e xeracións a través da música.
“É unha honra para BIGSOUND recibir en València e en Pontevedra a David Bisbal, un dos artistas que máis contribuíu a construír o pop latino moderno tal e como hoxe o coñecemos. A súa chegada ao festival é unha homenaxe viva e unha celebración dun legado que conecta directamente co ADN de BIGSOUND: a capacidade de unir xeracións a través da música. Que Bisbal non sexa un artista habitual en festivais fai este momento aínda máis singular e reforza o seu encaixe natural nun espazo onde o pop, a música urbana e os sons latinos conviven sen etiquetas. Para nós, a súa presenza é un agasallo ao público e un fito na nosa misión de recoñecer, en cada edición e en cada cidade, non só ás voces do futuro, senón tamén a quen fixo posible o presente da música en español.” — Dirección Artística de BIGSOUND
Ao longo destes anos, BIGSOUND construíu algo máis que un cartel: un relato cultural vivo, transversal e xeracional, onde conviven as grandes figuras do mainstream, os artistas que definen o presente e as voces que marcarán o futuro. Esa mirada converteu ao festival nunha das principais paradas das grandes xiras internacionais, acollendo a artistas como Amaia, Aitana, Bad Gyal, Beret, Bizarrap, C. Tangana, Duki, Juan Magán, Lola Índigo, Manuel Turizo, Mora, Myke Towers, Nathy Peluso, Nicky Jam, Ozuna, Quevedo ou Sebastián Yatra, e afianzando a BIGSOUND como unha auténtica xanela global da música urbana e mainstream en español.
BIGSOUND RÉNDESE A DAVID BISBAL
Unha celebración dunha das grandes voces latinas
Desde principios dos anos 2000, David Bisbal foi unha das figuras chave na construción do pop latino moderno. A súa irrupción marcou un antes e un despois na música en español, levándoa a unha nova escala global e abrindo camiño a unha xeración que hoxe domina listas, festivais e plataformas. Máis de dúas décadas despois, a súa música segue soando coa mesma forza ante públicos moi distintos: quen medrou con Ave María, Bulería ou Dígale convive hoxe nos seus concertos con mozos que descubriron o seu repertorio a través de redes, plataformas dixitais e grandes formatos televisivos. Moi poucos artistas poden dicir iso.
Con máis de vinte anos de traxectoria internacional, David Bisbal é un dos artistas españois con maior proxección global. Foi recoñecido con tres Latin GRAMMY®, tres Billboard Latinos, tres World Music Awards e dous Premios Ondas, entre máis de 80 galardóns nacionais e internacionais, ademais de once discos de diamante, máis de cinco millóns de entradas vendidas e máis de 1.000 concertos ofrecidos en todo o mundo. Ao longo da súa carreira actuou nalgúns dos recintos máis emblemáticos do planeta, como o Royal Albert Hall e o O2 Arena de Londres, o Carnegie Hall e o Barclays Center de Nueva York, o Teatro Real de Madrid ou o Olympia de París.
A este percorrido súmase unha extensa lista de colaboracións con figuras fundamentais da música global como Alejandro Sanz, Juan Luis Guerra, Rihanna, Miley Cyrus, Alejandro Fernández, Luis Fonsi, Sebastián Yatra, Juanes, Marco Antonio Solís, Raphael, Juan Gabriel ou TINI, confirmando o seu papel como artista transversal capaz de conectar distintos mundos musicais. No ámbito dixital, acumula centos de millóns de reproducións en plataformas, supera os 1.200 millóns de visualizacións en Youtube e mantén unha comunidade de máis de 20 millóns de seguidores en redes sociais.
II EDICIÓN DE BIGSOUND PONTEVEDRA 2026
Os días 17 e 18 de xullo de 2026, BIGSOUND Pontevedra celebrará a súa segunda edición no Parque de Tafisa, tras un debut histórico que superou os 35.000 asistentes e situou ao festival, xa na súa primeira edición, entre o Top 5 das citas musicais máis destacadas de Galicia.
A de David Bisbal non será a única actuación exclusiva en Galicia en 2026 que acollerá BIGSOUND Pontevedra. O festival reunirá tamén as únicas datas galegas de Nathy Peluso co seu proxecto CLUB GRASA (DJ set), Maria Becerra, Ana Mena e Luck Ra, consolidando unha programación irrepetible na comunidade.
O cartel conta ademais cos xa anunciados Beret, Juan Magán, Natalia Lacunza, Nil Moliner, Lucho RK, Mafalda Cardenal, Besmaya e Despistaos, aos que se suman hoxe dous novos proxectos que reafirman o compromiso de BIGSOUND Pontevedra co talento feminino, as novas voces e a escena galega: Rager, banda local de Pontevedra formada integramente por mulleres e unha das propostas máis potentes do novo rock e punk con electrónica, e LG1DO, a gran revelación da música urbana en Galicia, que con só 17 anos consolidouse como un dos nomes emerxentes a seguir do panorama nacional. Máis confirmacións anunciaranse proximamente.
Organizado por BIGSOUND e PlayPlan en colaboración co Concello de Pontevedra, e co apoio da Xunta de Galicia a través da Axencia Turismo de Galicia no marco dos Concertos do Xacobeo, BIGSOUND Pontevedrareafirma con esta segunda edición a súa posición como gran cita musical de Galicia, capaz de atraer a artistas internacionais de primeiro nivel e de ofrecer ao público galego concertos únicos, cun impacto cultural, económico e turístico decisivo para a cidade.
BIGSOUND 2026: UN PROXECTO EN PLENA EXPANSIÓN, APOIADO POLO SEU PÚBLICO
BIGSOUND continúa consolidándose como un dos proxectos musicais máis sólidos do panorama nacional, co respaldo do público e da industria. A finais de 2025, o festival foi distinguido como Evento Musical do Ano nos TIIM Awards (Turismo & Industria Musical) e, ese mesmo ano, recibiu o premio a Best Live Performance (PT/ES) nos Iberian Festival Awards polo único show mundial de Quevedo en 2024.
En 2026, BIGSOUND Pontevedra foi ademais finalista nos Iberian Festival Awards en dúas categorías chave: Best New Festival (voto do público) e Best Hosting & Reception (voto do xurado), un recoñecemento directo á experiencia do público, a calidade da acollida e o impacto territorial do festival.
Paralelamente, BIGSOUND continúa a súa expansión e consolida a súa presenza en València e Pontevedra, á vez que suma novas sedes en Barakaldo (3 e 4 de xullo, exterior do Recinto Ferial de Ansio) e Torrevieja (25 e 26 de xullo, Parque Antonio Soria), reafirmando a súa posición como un dos grandes encontros musicais do país e un proxecto con vocación verdadeiramente nacional.
VI EDICIÓN DE BIGSOUND VALÈNCIA 2026
Os días 26 e 27 de xuño de 2026, BIGSOUND celebrará a súa sexta edición en València, consolidado como o maior evento musical da cidade e unha das grandes citas do sur de Europa. Tras reunir a máis de 300.000 asistentes nas súas cinco primeiras edicións, o festival volverá situar á Ciudad de las Artes y las Ciencias como o gran escenario onde conflúen pop, música urbana e sons latinos, nunha edición marcada por estreas, exclusivas e shows concibidos especificamente para o festival.
Xunto a David Bisbal, que protagonizará a súa única actuación na Comunitat Valenciana en 2026, BIGSOUND València reunirá tamén as únicas datas na comunidade de Lola Índigo, Rels B, Nathy Peluso co seu proxecto CLUB GRASA (DJ set), Rusowsky e Yami Safdie, configurando unha programación con forte peso creativo e carácter exclusivo.
O cartel complétase cunha ampla selección de artistas que ofrecerán shows exclusivos na provincia de València durante 2026, entre eles Ana Mena, Barry B, Despistaos, Dollar Selmouni, Hens, Juan Magán, King África, Lia Kali, Lucho RK, Maldita Nerea, Mayo, Metrika, Rigoberta Bandini, Samuraï e Selecta, reafirmando a BIGSOUND València como unha das principais paradas do circuíto nacional e internacional e como escaparate do pop e a música urbana en español.
ENTRADAS
En 2026, València e Pontevedra compartirán un mesmo momento.
Dúas cidades. Dous días de celebración, diversidade e conexión real. Unha mesma enerxía colectiva.
A presenza de David Bisbal en BIGSOUND non é só unha gran confirmación artística: é unha celebración compartida de todo o que a música construíu entre xeracións. Para quen medrou coas súas cancións. Para quen as descubriu despois. E para quen entende a música como un espazo común.
As entradas para BIGSOUND València 2026 e BIGSOUND Pontevedra 2026 xa están dispoñibles en bigsoundfestival.com.