PAKOLAS

Contos, Cores e Rock’n’Roll” chega da man de Pakolas como un espectáculo de pequeno formato onde a interacción coas nenas e nenos, a súa música acompañada por contos e historias, e as cores e debuxos en directo de Laura Romero son o principal atractivo para o público. Esta proposta multidisciplinar crea así unha escena na que non so se pode gozar da música, senón tamén do debuxo e as cores que a rodean. Un espectáculo para todos os sentidos.

Paco Cerdeira (Pakolas) guiaranos coa súa forza interpretativa e o seu humor por todo un universo musical, a través da súa voz e tocando a guitarra, e contando nesta ocasión co apoio de Laura Romero (Ilustradora), dando unha nova dimensión visual coa creación en directo de debuxos con cores que acompañan ás cancións e contos que nelas se recollen, e axudando así a Pakolas na presentación dos seus protagonistas animais.

Cores, Contos e Rock’n’Roll

Paco Cerdeira ven de editar en Decembro de 2017 o seu primeiro libro-disco en solitario “Pakolas”, nome co que se presenta ante o público infantil, eido no que o músico conta con longa traxectoria. Este novo traballo musical para os mais peques é no que se basea este espectáculo, e está editado pola Ed. Galaxia, na súa colección Sonárbore, en colaboración co Colexio Profesional de Logopedas de Galicia, e conta na edición coas ilustración de Laura Romero quen o acompañará nesta nova montaxe en directo. 

Cancións para rockear, para soñar e tamén sobre todo, para aprender”. Chega con este novo traballo cantando e contando algunhas das historias fantásticas na que os animais serán os protagonistas con moralexa final incluída. “Baldomero o mero”, “Xabarín con bombín”, “O Furafollas”, “A Quenlla Madrugadora”, “O pato MC Pac”, “O Rato Xaquín”, entre outros. Laura Romero é a encargada de darlle vida a eses animais protagonistas, a través das imaxes e debuxos cheos de colorido.

Formación

Pakolas – voz e guitarra
Laura Romero  – ilustracións

Discografía

2017 Pakolas