TRAVIS BIRDS

Perro Deseo Tour 2024

Travis Birds presenta o seu novo disco, “Perro Deseo”. Un disco no que explora un novo universo sonoro co que consegue alcanzar unha nova dimensión que se ve reflectida nas súas creacións musicais, pero tamén no seu personaxe, caracterizado ata o de agora por unha imaxe moito máis escura, íntima e con certos matices un tanto extravagantes que nos evocaban unha tolemia e un universo único.

Agora dá un paso adiante e nestes novos sons albiscamos unha Travis Birds moito máis transgresora, luminosa e afiada. Froito desta metamorfose, cultivamos “Perro Deseo” e as súas once cancións cos seus once contextos nos que o desexo dirixe e cambia o rumbo dos acontecementos facendo de fío condutor a través de todas as pulsións, sentimentos, aspiracións e ilusións que conforman a identidade de Travis Birds e o seu imaxinario