TANXUGUEIRAS

Xira Midas 2022 -2023

a (r)evolución da música tradicional galega 

Sabela Maneiro, Aida Tarrío e Olaia Maneiro son Tanxugueiras, tres cantareiras para unha nova década. Só elas son capaces de reinterpretar os sons dunha tradición milenaria fusionándoa con ritmos urbanos, máis próximos ao trap ou á electrónica. A súa enerxía, o seu empoderamento, a súa contundencia e o seu virtuosismo vocal son os máximos expoñentes do seu innovador estilo, coñecido como trad.   

O trío recolle o legado das pandeireteiras, as mulleres que traballaron por manter viva a música tradicional galega, para revisionalo e lanzarllo de novo ao mundo nunha explosión de modernidade, contando cun estilo épico e unha forza ancestral que xa as fixo triunfar en escenarios de varios países.   

Aválanas éxitos como ‘Midas’, Figa’, ‘Averno’ (colaboración  con  Rayden), ‘Pano Corado’ ou ‘Terra’ (Single de Ouro, con máis de 30.000.000 de escoitas nas plataformas dixitais), tema co que se alzaron como as favoritas do público no Benidorm Fest. Todas elas forman parte do seu novo disco, DILUVIO, publicado o 29 de xullo de 2022, e que presentan no potentísimo show da Xira Midas.

O disco, acadou o número 1 de vendas en tendas físicas na semana do seu lanzamento, quedando por riba de nomes como Beyoncé ou Harry Styles.

Son o son dun pobo internacionalizado. Son a cultura tradicional na pista de baile. Son todos os mundos nun só. Porque para Tanxugueiras “non hai fronteiras”. 

Recoñecementos:

  • Premio Mulleres en Acción 2022
  • Premio El Suplemento 2022 (Grupo Revelación)
  • Premio Mestre Mateo 2022 (Mellor videoclip por “Figa”)
  • Premio MIN de la Música Independiente 2022 ao Mellor Artista Emerxente.
  • XIX Premios La Opinión de Música de Raíz 2020 (Mellor adaptación dunha peza tradicional)
  • World Music Charts Europe 2020 (20 mellores discos de World Music en maio de 2020)
  • Certame aRi(t)mar Galiza e Portugal 2019 (Mellores Músicas de Galiza 2019)
  • Premios Mestre Mateo do Audiovisual Galego 2019 (Finalistas Mellor videoclip por Perfidia)
  • Scots Trad Music Awards 2019 (Finalistas na categoría de Mellor vídeo con Shooglenifty)
  • Premios MIN de la Música Independiente 2019 (Finalistas Mellor álbum galego)
  • Premios Martín Códax da Música 2019 (Mellor grupo de Música tradicional e folk)
  • Premios MIN de la Música Independiente 2018 (Mellor álbum galego)

 

Biografía:

Co seu primeiro álbum homónimo, publicado en 2018, o trío inicia unha traxectoria que as leva a visitar, en só 3 anos, máis de 100 escenarios de todo o planeta acompañadas polas súas pandeiretas. No 2019 chega ‘Contrapunto’, un disco que incrementa as revolucións da música galega coa reinterpretación de coplas tradicionais, ateigadas de arranxos e harmonías diversas.

Xa no 2021, Sabela Maneiro, Aida Tarrío e Olaia Maneiro comezan a explorar con curiosidade -coa colaboración do produtor Iago Pico- a fusión da tradición e a potencialidade das súas voces con sonoridades urbanas e modernas, ata converterse no que son hoxe en día: unha das propostas máis innovadoras, auténticas e sorprendentes do país. As cantareiras darán boa conta da súa nova proposta neste 2022 coa “Xira Midas”, con 80 datas, na que presentan o seu novo traballo discográfico: ‘DILUVIO’.

Discografía

  • DILUVIO | (2022, Calaverita Records)
  • Fame de Odio | Single (2022, PlayPlan | Calaverita Records)
  • Seghadoras | Single (2022, PlayPlan | Calaverita Records)
  • Desidia | Single (2022, PlayPlan | Calaverita Records)
  • Pano Corado | Single (2022, PlayPlan | Calaverita Records)
  • Averno | Single (2022, PlayPlan | Calaverita Records)
  • Terra | Single (2022, PlayPlan | Calaverita Records)
  • Coda | Single (2021, PlayPlan | Calaverita Records)
  • Telo | Single (2021, PlayPlan | Calaverita Records
  • Midas | Single (2021, PlayPlan | Calaverita Records)
  • Contrapunto (2019, PlayPlan | Calaverita Records)
  • Tanxugueiras (2018, Seispés Producións Creativas)

Formación

Sabela Maneiro – voz e pandeireta
Aida Tarrío – voz e pandeireta
Olaia Maneiro – voz e pandeireta

Vindeiros concertos de Tanxugueiras

X