SOBREZERO

Hasta que el mundo estalle

«Hasta que el mundo estalle» non é só o título do disco debut de Sobrezero, senón tamén a premisa sobre a que o quinteto pensa seguir creando, medrando e tocando. Para eles, a felicidade está en enchufar os instrumentos e soar. Soar a un contundente, contaxioso e rabioso indie-rock que logrou colgar o cartel de «entradas esgotadas» en lugares como a sala Villanos de Madrid.

Todo iso seguindo un «Camino elegante», mostrando un lado pícaro e incendiario como «Uma Thurman» en Pulp Fiction, estreitando lazos con figuras como Gabriel De la Rosa de Shinova, e ofrecendo aos seus seguidores (que medran por momentos), un lugar onde gritar e gozar dunha das sensacións musicais do momento.

No principio do ano propuxéronse levar o seu directo máis lonxe que nunca, e poden afirmar con rotundidade que o lograron.

A súa xira «Hasta que el mundo estalle» percorreu e percorrerá máis dunha vintena de datas, e espéralles un verán sobre as táboas de moitos dos festivais máis importantes de España.

Sobrezero é sinónimo de brindar por todo o vivido e o que está por chegar; apostar polos decibelios ao máximo volume e ver a súa música como vía de escape… Ou unha revolución á que unirse.