MUYAYO RIF

Ritmos urbanos dende Cataluña

A banda catalá Muyayo Rif conta cunha singular e elaborada posta en escena a base de ventos, teclado, batería e guitarra. Á enerxía e o groove marca da casa, engádenlle agora novos sons, como o electroswing ou o balkan. E logran, así, renovar un potente directo, onde predomina a enerxía, a festa e a crítica social desde un espírito optimista e festivo. Unha fórmula coa que conseguiron cativar ao público das 500 cidades polas que pasaron nos seus máis de 10 anos de carreira.

Muyayo Rif é considerada unha das bandas máis internacionais da escena catalá. Con máis de 500 concertos ás súas costas e despois de facer bailar ao público en salas e grandes festivais de España, Francia, Holanda, Rusia, Bélxica e Suíza volven agora cunha nova xira internacional para amosar o seu explosivo directo.

Sen perder o sentido do humor, con moitas ganas de facer bailar, pero sen perder ese carácter social e reivindicativo, Muyayo Rif gozan e fan gozar ao público.

On Air Tour 2020

Muyayo Rif é unha banda creada no ano 2000 en Cornellá de Llobregat (Barcelona) afín a ritmos urbanos como o punk, ska, reggae, latin ou rock. En 2007 transformou o seu proxecto profesionalizando o seu estilo para conseguir así un son propio e un directo diferente. A implicación de Gambeat (La Ventura, Radio Bemba, Mano Negra) achegou grandes doses de enerxía e rabia positiva, tanto na produción dos seus dous discos (Construmón, 2010 Kasba Music e P’ alante!, 2011 Kasba Music) como no seu potente directo, onde predomina a enerxía, a festa e a crítica social desde un espírito optimista e festivo. Isto levoulle a gañar o Festimad Taste en 2009.

Apenas un ano despois da publicación do seu último disco, Muyayo Rif volveu á escena discográfica co seu terceiro álbum (Maldita Comedia. 2013 Kasba Music) demostrando desta maneira que a súa necesidade expresiva multiplícase enriquecida polas xiras que veu realizando nos últimos anos. Iso permitiulle consolidarse dentro do panorama musical español (Aupa Lumbreiras 2014, Viña Rock 2015 e 2016). Despois de tres anos de silencio, en 2017 presentan o seu cuarto disco, All in, co que sorprenden ao público con novos sons, experimentando con diferentes estilos como o electroswing, o balkan ou o disco.

Muyayo Rif é considerada unha das bandas máis internacionais do momento. Proba diso son as súas constantes incursións en países como Francia, Bélxica, Holanda, Reino Unido ou Rusia, onde difunden a súa música tanto en salas como en grandes e multitudinarios festivais (WOMAD 2013 en Pyatigorsk Rusia, WOMAD 2014 no Reino Unido, Festyland Holanda 2015, WOMAD Forteventura 2016).

Ademais, en 2019 xa fixeron bailar a festivais como o SonRias Baixas, Cabo de Plata, Porto Latino (FR), Appelpop (NL), Mare de Agosto (PT) ou Nilüfer Muzik Festival (TR), entre outros.

Formación

Alex Medina (Patxi) – Voz
Luis Carrizo – Saxo
Carles Gutiérrez – Guitarra
Iñaki Rodríguez – Batería
Lucas Peire – Teclados
Javier Zurita – Baixo
Andrés Tosti – Trompeta
Edgar Gomez – Trombón

Vindeiros concertos de Muyayo Rif

X