LA PEGATINA

Música festiva dende Cataluña

La Pegatina é unha das bandas máis vivas, interesantes, inquietantes e inquedas do panorama musical europeo actual, cunha música festiva e cunha enerxía que pon calquera recinto patas para arriba.

De vez en cando un é capaz de orquestrar con éxito a súa propia revolución persoal como lle pasou á La Pegatina no seu último traballo “Ahora o Nunca” (2018). Está concebido dende a matriz da banda, macerado xunto ao mellor aliado posible, o produtor Rafa Arcaute, máis cinco colaboracións de luxo: Macaco, Rozalén, Los Caligaris, Will and the People ou Eva Amaral.

O cóctel de modernidade, frescura e improvisación, unido aos seus quince anos ao pé do cañón, máis de mil concertos en trinta países e sete discos, dan como resultado un sexto album de estudo rico en matices e tempos. O grupo abre novos horizontes sonoros sen perder a ninguén polo camiño.

Darle la vuelta tour 2020/2021

La Pegatina é, sen dúbida, o mellor revulsivo emocional que pode haber encima dun escenario. A súa festa é inusual polo enérxica, divertida e bailable. Espectáculo e adrenalina ata a éxtase. Nunca se cansan de repartir alegría e tolemia alá por onde pasan. Víuselles por máis de 25 países (Australia, México, Arxentina, #Ecuador, Uruguai, China, Xapón, Canadá e gran parte de Europa) e xa superan os mil cen concertos nos seus máis de 16 anos de existencia.

É o grupo catalán máis internacional pero tamén o máis políglota, xa que cantan en máis de sete linguas. E non só é variado en idiomas senón tamén en estilos. Pasan do merengue á rumba ou ao ska con gran facilidade para acabar toleando á xente con punk xitano ou, simplemente, cánticos hooligans.

Versátiles e anaeróbicos, La Pegatina xa editou oito discos (un deles en directo), un documental e mesmo un videoxogo. Sempre innovadores no que a redes sociais refírese, conseguiron mobilizar unha gran lexión de seguidores que lles fixo pasar da escena underground mestiza a ser imprescindibles en calquera dos grandes festivais europeos. Cancións como Maricarmen, Lloverá y yo veré, A los que ou Y Volar son xa imperdoables en calquera festa que se prece.

Tras cumprir 16 anos na música en 2019, para celebralo La Pegatina publicou en setembro do mesmo ano o álbum recompilatorio ‘Un secreto a voces’, que tamén incluía temas inéditos e colaboracións con artistas como Love of Lesbian, Rozalén, Nil Moliner, Ska- P ou Eva Amaral. Non só quedaron aí, senón que tamén se xuntaron cos seus amigos e os seus fans nun concerto gratuíto na Riviera de Madrid, enchéndoa e deixando fóra case 4.000 persoas.

Agora, tras tomarse un pequeno descanso a principios de 2020, La Pegatina regresará aos escenarios para virar por España a finais de ano. Concertos en grandes recintos onde presentarán un novo traballo que chegará tamén a finais de 2020. Un show exclusivo co que visitarán Zaragoza, A Coruña, Madrid e Bilbao.

Formación

Ruben Sierra – Voz
Adrià Salas – Voz
Ovidi Díaz – Percusión
Ferran Ibañez – Baixo
Axel Magnani – Trompeta
Romain Renard – Acordeón
Sergi López – Batería
Miki Florensa – Guitarra

Vindeiros concertos de La Pegatina

X