CARAVAN PALACE
Chronologic Tour
Caravan Palace é unha coctelera de imparable electro swing con marcado acento parisiense que nos transporta a un caleidoscopio de épocas e estilos onde Django Reinhardt pode convivir tranquilamente con Daft Punk.
A finais de 2015 publicaron “Robot Face” <I°_°I>, creado no seu estudo parisiense onde os pioneiros do electro fusionan house hedonista e jazz de vella escola, <I°_°I> evoca o espírito dun quinteto modernista propio do club máis punteiro de Francia.
Os instrumentistas e auténticos magos no estudo Charles Delaport, Hughes Payen, Antoine Toustou e Arnaud Viario xunto con Zoe Colotis, Camille e P-M crearon unha cama sonora retro-futurista pensada para asaltar as pistas de baile de todo o planeta.
Caravan Palace atópanse nestes momentos virando con Chronologic Tour por todo o mundo, visitando as principais cidades europeas, levando o electro swing a cada sitio ao que van.